Manatuto (18/12/2025), Ministériu Agrikultura Pekária Peska no Floresta (MAPPF) Entrega makina agrikola hanesan tratór boot unidade 2 makina kuda unidade 10 no makina koa hare unidade 5 nian ba Prezidenti Autoridade Municipal (PAM) atu bele entrega ba agrikultór sira hodi hasa’e seguransa Alimenatr iha Munisípiu refere. Atividade ne;e realiza iha Resintu Diresaun Servisu Agrikultura Municipal Manatuto Villa.
Iha Entrevista Ministru Agrrikultura Pekuária Peska no Floresta, Marcos “MAMETA” Da Cruz esplika, Ministériu entrega ka distribui makina agrikola sira ba Prezidenti Autoridade Municipal Manatuto nune’e atu bele fó ba agrikultór sira hodi halo natar no bele hasa’e produsaun rai laran tanba politika Ministériu atu aumenta produsaun rai laran tanba ne’e hahú ona moderniza setór agrikultura ho ekipamentu modernu.
Ministru reforsa, entrega makina agrikola sira ne’e tanba tempu udan besik dadaun ona nune’e iha Janeiru to’o Marsu 2026 agrikultór sira komesa halo natar no ekipamentu hirak ne’e PAM ho Diretór Agrikultura Municipal mak sei distribui direta ba agrikutlór sira tanba husu ba agrikultór sira atu funsiona hotu rai bokur sira ne’ebé mak durante ne’e abandona hela. Irrigasaun Laclo ne’eb’e hetan apoiu husi Governu Pajaun iha tinan 2002 maibé udan boot iha tinan hirak liu ba hetan estragus ne’eduni Ministériu sei rezolve nune’e bele oferese bee ba natar hirak ne’eb’e mak durante ne’e abandona bele funsiona ho diak.
Iha Fatin hanesan PAM Manatutu, Luis Inacio H. Fernandes hatete, atu hamenus oras servisu agrikultór sira nia iha natar natar Ministeériu Agrikultura hahú fahe ekipamentu modernu hanesan makina kuda hare no koa hare ne’ebé la uza tempu no kustu ne’ebé mak boot tanba rai porvolta 12 mill ektare mak potrensia ba natar maib’e dadaun ne’e 2 mill ektare mak ativu de’it ne’eduni presija nafatin Ministériu nia apoiu atu bele apoiu nafatin agrikultór sira iha futuru tanba komunidade iha Manatuto maioria moris ho vida agrikultura. Ekipa DMEA.
